InnerLight

InnerLight 係一個以廣東話為主嘅心理教育品牌，由香港註冊社工 Cary Law 於 2025 年 10 月創立。透過 Instagram 同 Threads，InnerLight 同香港 Gen Z 及年輕人分享情緒、人際關係、家庭互動、生涯發展同自我認識等心理學知識，並以貼近日常生活嘅例子，將專業概念轉化成容易理解、實際用得着嘅內容。 除咗日常分享，InnerLight 亦發展關係溝通工作坊，例如《靠近，但唔失去自己》，透過主題式學習同實際練習，探索情緒理解、需要表達、個人界線及健康人際關係。 我相信，面對情緒困擾、人際衝突或者人生壓力時，與其急住搵答案或者怪責自己，不如先理解自己嘅感受、需要、成長經歷，同埋身處嘅環境。InnerLight 重視「人在環境中」（Person-in-Environment）嘅視角，理解個人困難往往同家庭關係、學校環境、社會文化及生活處境互相影響，而唔應該簡單歸咎於個人能力不足。內容亦會參考心理學研究、專業文獻及相關理論，並盡可能附上完整參考資料。 InnerLight 曾推出六集心理教育系列《原來你都好努力㗎》，從個人經驗、家庭互動、學校環境到社會文化，探討影響孩子情緒與成長嘅因素，希望幫助大眾理解孩子行為背後可能存在嘅感受與需要。 作為現居英國嘅香港註冊社工，我亦關注移居適應、身份認同、歸屬感，以及畢業、轉工、移居等人生轉變帶嚟嘅迷惘。我希望結合心理學與社會觀察，理解個人經歷同外在環境之間嘅互動，陪伴大家整理需要，探索適合自己嘅方向。 現階段，InnerLight 主要透過社交媒體分享心理教育內容，並舉辦關係溝通工作坊。我亦正探索透過心亮閣平台開展個別網上輔導服務，期望喺符合專業資格、服務範圍及跨境執業要求嘅前提下，為有需要嘅學童、青少年、年輕人，以及面對生涯發展或人生轉變困難嘅人士提供適切支援。社交媒體內容以心理教育為主，並唔等同個別化嘅專業評估或治療服務。 對我嚟講，InnerLight 希望成為連結心理學、社會觀察同日常生活嘅空間，讓大家喺理解情緒、關係同人生轉變嘅過程中，慢慢認識自己，亦多一個角度理解身邊嘅人。 Understand before solving — 先理解，再尋找出路。