Alex Choi
專業資格已獲認證註冊社工
你好，我係 Alex。 我相信每個人都會有覺得好辛苦嘅時候。有時係生活嘅壓力，有時係一啲一直放唔低嘅事，又或者，只係覺得自己好似迷失咗方向。 如果你而家正經歷呢啲時候，我希望可以陪你慢慢探索，唔使急住搵答案，亦唔需要一個人承受。 我相信，每個人都有屬於自己嘅力量，只係有時需要多一個人陪你一齊去發現。我會陪住你，用你舒服嘅步伐，一齊理解自己、探索更多可能，慢慢走向一個對你嚟講更有意義嘅生活。
專業背景
我係一位註冊社工，擁有近 7 年臨床輔導經驗，主要提供個人心理輔導服務。我持有社會工作碩士學位，主要以心理動力學（Psychodynamic Therapy）及以人為本治療（Person-Centred Therapy ）作為輔導取向，並按每位個案嘅需要，靈活運用唔同治療方法。。 我過去一直為面對焦慮、抑鬱、壓力、情緒困擾、創傷、人際關係及人生轉變等挑戰嘅人士提供支援。我亦曾為醫院及大學設計及推行心理健康課程，將心理健康知識帶到校園及社區，協助不同群體提升心理健康意識
輔導及溝通風格
我相信，每個人都有屬於自己獨特嘅故事，而每一段經歷都塑造住今日嘅自己。對我嚟講，輔導唔一定係因為生活出現咗問題，而係一個機會，讓你停一停，重新認識自己，理解自己點解會有而家嘅感受、反應同選擇。 我希望輔導可以成為一個令你感到安心、被理解、唔受批判嘅空間。無論你想分享嘅係情緒、關係、生活壓力，又或者一啲連自己都未必講得清楚嘅感受，我都會細心聆聽，同你一齊整理、理解，唔急住搵答案，亦唔急住改變。 有時困住我哋嘅，未必只係眼前嘅事情，而係一啲一直重複出現嘅模式、信念，或者過去嘅經歷。我會陪伴你慢慢理解呢啲經驗點樣影響住而家嘅你，幫助你更了解自己，逐步搵到一個更自在、更符合自己價值同需要嘅生活方向
輔導範疇專長
輔導手法
服務對象
專業資格
註冊社工
社工註冊局
學歷
社會工作社會科學碩士
香港中文大學・香港
社會學文學學士（人際與群體互動）
明尼蘇達大學・美國
專業培訓
認知行為治療訓練
香港中文大學・香港
執業機構及中心
服務及收費
免費諮詢
免費透過 20 分鐘既免費諮詢，你可以了解我既溝通以及輔導風格。我會係免費諮詢既期間初步了解你正在面對既問題，同你解釋我會點樣處理，以及解答你對輔導既問題。