Cary Law

專業資格已獲認證

註冊社工

“

你好呀！有時我哋明明有好多嘢想講，真係要開口嗰陣，反而唔知由邊度開始。可能係關係入面嘅困惑、對自己嘅疑問，又或者面對人生轉變時嘅迷惘。其實，你唔需要整理好所有情緒，亦唔需要急住搵到答案先開始。我希望可以同你一齊，慢慢理解你嘅感受、在意嘅事情，同埋背後嘅原因。我哋都唔係完美嘅人，我亦唔會扮自己一定明白你，或者知道所有答案。但我願意帶住真誠同好奇，聽你講，陪你探索適合自己嘅方向。

立即預約

專業背景

我係香港註冊社工，曾參與兒童及青少年服務、工作坊及生涯規劃活動，關注情緒、人際關係與人生轉變。我擅長以「人在環境中」嘅生態系統視角，結合心理學與社會觀察，理解個人經驗如何受到家庭、學校及社會文化影響。我亦對敘事治療及家庭系統治療深感興趣，重視每個人獨特嘅生命故事，而唔將困難簡化成個人問題。 2025 年 10 月，我創立心理教育品牌 InnerLight，以廣東話將心理學研究轉化成貼近日常生活嘅分享，並設計關係溝通工作坊。現居英國嘅我，亦關注移居適應、身份認同及歸屬感。我相信 Understand before solving — 先理解，再尋找出路，透過理解個人與環境之間嘅

輔導及溝通風格

我重視合作、平等嘅對話，相信你先係自己生命經驗嘅專家，而我會帶住真誠同好奇，陪你一齊探索，而唔係單方面為你提供答案。對話中，我可能會透過提問，邀請你從唔同角度理解自己嘅經歷，探索情緒背後嘅需要、重視嘅價值，以及家庭、關係同環境帶來嘅影響。我亦會適時分享自己嘅觀察，邀請你一齊思考，而唔係將我嘅理解當成唯一答案。我相信，真正嘅合作係彼此交流、共同探索。如果我哋有唔同睇法，亦可以坦誠討論，慢慢搵出貼近你經驗同需要嘅理解。 Understand before solving — 先理解，再尋找出路。

輔導範疇專長

學業壓力、生涯規劃與迷惘職涯及心理倦怠生涯規劃與即捱迷惘移民適應、文化適應與身份認同人生轉變與適應個人成長

輔導手法

以人為本焦點解決短期治療以個案為本人本治療家庭系統排列治療敘事治療

服務對象

成人青少年家長基督徒家庭

專業資格

註冊社工
社工註冊局

學歷

社會工作學士
香港浸會大學・香港

執業機構及中心

InnerLight

網上中心

服務及收費

免費諮詢

免費

視像

30 分鐘免費

預約此服務

個人輔導服務

視像語音文字

50 分鐘$450

75 分鐘$500

預約此服務

工作坊

視像

60 分鐘$300

90 分鐘$450

預約此服務

常見問題

如果我唔知道自己遇到咩問題，或者唔知由邊度開始講，仲可以尋求輔導嗎？

當然可以。你唔需要預先整理好所有情緒，亦唔需要清楚知道自己想解決啲咩先開始。有時，我哋只係覺得唔開心、好攰，或者心入面有啲嘢講唔清楚，都可以由呢度開始。我哋可以慢慢探索，唔使急住搵答案。

輔導係咪會直接話我知應該點做？

我重視合作式對話，相信你先係自己生命經驗嘅專家。我唔會單方面為你決定答案，而係會透過聆聽、提問同交流，同你一齊理解事情背後嘅感受、需要同處境。有時，我亦會分享自己觀察到嘅角度，讓你有多啲可能性去思考，最後由你探索適合自己嘅方向。

如果我講到一半喊咗，或者情緒好激動，點算好？

你唔需要為自己嘅眼淚或者情緒感到尷尬。情緒有時比說話更早出現，亦未必每次都容易表達。我哋可以按你當下嘅狀態調整步伐，唔需要勉強自己一次過講晒所有事情。

我嘅問題好似好小事，值得尋求輔導嗎？

值得。困擾唔需要去到好嚴重先值得被理解。可能係一段關係令你反覆內耗、家庭相處令你感到壓力，又或者面對人生轉變時有啲迷惘。重要嘅唔係其他人覺得件事有幾大，而係佢對你造成咩影響，以及你希望點樣理解同面對。

輔導期間，我需要做啲咩？

你唔需要預備標準答案，亦唔需要表現得好堅強。我哋會一齊探索你嘅經驗同想法，過程中可能會透過提問、整理感受，或者從唔同角度重新理解一件事。你可以隨時表達自己嘅想法、疑問，甚至提出你希望對話點樣進行。

如果我唔認同你嘅觀點，可以直接講嗎？

可以，而且我好重視你嘅回饋。合作唔代表我哋一定要有相同睇法，而係可以坦誠交流，了解彼此點解會有唔同理解。我提出嘅觀察只係一個參考，唔係唯一答案；你嘅經驗同感受亦值得被認真對待。

我需要有心理疾病診斷，先可以接受輔導嗎？

唔一定。有人因為情緒困擾而尋求支援，亦有人希望理解自己嘅人際關係、家庭互動、生涯選擇或者人生轉變。你唔需要先有一個診斷，先可以開始了解自己。不過，如果你嘅需要超出服務範圍，我哋亦需要一齊考慮其他合適嘅支援。

輔導內容會保密嗎？

私隱同保密係重要嘅專業考慮。具體安排會按照服務平台嘅私隱政策及適用嘅專業、法律要求處理；保密亦可能存在涉及安全風險或法律責任等例外。開始服務前，應先了解相關保密原則及限制，讓你清楚知道自己嘅權利。

如果我唔知道輔導適唔適合自己，點算好？

其實，未決定好都唔緊要。我明白，第一次尋求輔導，可能會有啲猶豫，甚至唔知道自己適唔適合呢種方式。所以，我提供 30 分鐘免費初步諮詢，讓你可以先了解輔導嘅方式，分享自己嘅疑問，亦感受吓我哋嘅溝通模式係咪適合你。你唔需要急住作出決定，亦唔需要一開始就知道自己想改變啲咩。可以先了解、慢慢諗，再決定下一步點行。對我嚟講，找到適合自己嘅支援，比急住開始更重要。

如果我需要嘅支援超出你嘅服務範圍，點算好？

我會重視自己嘅專業能力同服務範圍。如果你嘅需要涉及我未能適切提供嘅支援，我哋可以討論其他合適嘅專業服務或資源。尋求幫助唔一定只有一條路，找到適合自己嘅支援同樣重要。